ალეკო ელისაშვილის საქმე – მოსამართლეთა კოლეგია დღეს სახალხო დამცველის წარმომადგენელს მოუსმენს, რომელმაც აპელაციას მეგობრის წერილობითი მოსაზრებით მიმართა – ომბუდსმენი ფიქრობს, რომ ოპოზიცნერისთვის წარდგენილი ბრალდება ტერორზიმის მუხლით დაუსაბუთებელია და რომ 13 წლიანი მსჯავრი კითხვებს აჩენს.
ალეკო ელისაშვილი სამამართლებრივი საფუძვლებით არ იმყოფება ციხეში. ის ამ დროისთვის, როგორც ოპოზიციონერი პოლიტიკოსი , არის განიტრალებული და მიმდინარეობს მისი მარგინალიზაციის და დემონიზაციის კაპმანია. დღევანდელ სხდომაზე სააპელაციო სასამართლოში დაიკითხება საქართველოს სახალხო დამცველის წარმომადგენელი, რომელმაც სააპელაციო სასამართლოს მეგობრის წერილობითი მოსაზრება წარუდგინა. იქაც ანალოგიური მსჯელობაა, რომ იურიდიული ნიუანსების გათვალისწინებით, შეუძლებელია, ეს იყოს ტერორისტული აქტი და შეუძლებელია, რომ ტერორისტული აქტისთვის იხდიდეს სასჯელს ოპოზიციონერი პოლიტიკოსი”. – ამბობს ადვოკატი არჩილ ჩოფიკაშვილი.
საქართველოს სახალხო დამცველმა თბილისის სააპელაციო სასამართლოს ალექსანდრე ელისაშვილის საქმეზე სასამართლოს მეგობრის მოსაზრებით (Amicus Curiae) 21 სექტემბერს მიმართა.
ომბუდსმენის აპარატის ცნობით, სახალხო დამცველის აპარატი გაეცნო მსჯავრდებულის ადვოკატის მიერ წარმოდგენილ სასამართლოს განაჩენს, რომლითაც ალექსანდრე ელისაშვილი დამნაშავედ იქნა ცნობილი ტერორისტული აქტის მცდელობაში.
სახალხო დამცველის თანახმად, განაჩენის შესწავლის შედეგად დადგინდა, რომ თბილისის საქალაქო სასამართლომ სათანადო ყურადღება არ დაუთმო სპეციალური განზრახვის, კერძოდ, ტერორისტული მიზნის გამოკვეთას და იგი, ავტომატურად, ალექსანდრე ელისაშვილის პოლიტიკური პროტესტის მოტივთან გააიგივა.
ალეკო ელისაშვილი დამნაშავედ არის ცნობილი ტერორიზმის მცდელობაში და 13 წლით პატიმრობა აქვს მისჯილი. გადაწყვეტილება 10 ივლისს მოსამართლე გიორგი გელაშვილმა გამოაცხადა.
საქმე ეხება 2025 წლის 29 ნოემბერს გამთენიისას მომხდარ შემთხვევას. პროკურატურის ვერსია ასეთია: გამოძიების თანახმად, ნიღბიანი ალეკო ელისაშვილი შეიჭრა თბილისის საქალაქო სასამართლოს კანცელარიის შენობაში. ბრალდების მხარე აცხადებდა, რომ მან შენობაში აალებადი სითხე დაასხა და ხანძრის გაჩენა სცადა, რა დროსაც თან ცეცხლსასროლი იარაღი.
ალეკო ელისაშვილი ტერორიზმის ბრალდებას არ დაეთანხმა. მან ქმედება ხელისუფლების რეპრესიული პოლიტიკის წინააღმდეგ მიმართულ პოლიტიკურ პროტესტად შეაფასა.
ოპოზიცია განაჩენს პოლიტიკურ შურისძიებად და ოპონენტების დაშინების მცდელობად აფასებს. მათი თქმით, ელისაშვილი საქართველოს უახლეს ისტორიაში პირველი პოლიტიკოსია, რომელიც ტერორიზმის მუხლით გაასამართლეს.
