“ქართული ოცნების” ახალგაზრდული ორგანიზაციის თავმჯდომარე, ვარლამ ლიპარტელიანი მერაბ დვალიშვილს მხარდაჭერას უცხადებს. თავად ფაქტი კი, ვარლამ ლიპარტელიანის თქმით, იყო ამორალური, რომელიც არც ადამიანურ და არც სპორტულ ჩარჩოებში არ ჯდება.
“მე მინდა მხარდაჭერა გამოვუცხადო მერაბს ჩემი სახელით და ყველა სპორტსმენის სახელით. უშალოდ ფაქტს რაც შეეხება, ვიტყოდი, რომ იყო ამორალური საქციელი, საქციელი, რომელიც არც ადამიანურში, არც სპორტულში და არც არანაირ გამართლებაში არ ჯდება. მე ვიტყოდი, რომ აჩვენეს იმ სპორტსმენებმა თავიანთი სახე, ვინც მერაბთან და იმ ქართველ ახალგაზრდა ბიჭთან მივიდნენ. მინდა წარმატებები და ჯანმრთელობა ვუსურვო მათ და დავამატებდი იმას, რომ საკადრისი პასუხიც მიიღეს ჩვენებისგან, იმიტომ, რომ ქართველები ისეთი ერი ვართ, რომ არ დავტოვებთ ასეთ საქციელს უპასუხოდ,” – აღნიშნა ვარლამ ლიპარტელიანმა.
UFC-ის ქართველ მებრძოლს აბუ-დაბიში სასტუმროს ფოიეში, ინტერვიუს დროს დაესხნენ თავს. დვალიშვილის ინფორმაციით, თავდამსხმელებს შორის იყო უსმან ნურმაგომედოვი და მისი გარემოცვა – დაახლოებით 20 ადამიანი.