აქ გაქვს საშუალება, ბევრ ლიდერს გაესაუბრო. ხანდახან ეს საუბრები ხანმოკლეა, მაგრამ, ყველა შემთხვევაში, ძალიან ღირებული. ეს სამიტი გვაძლევს საშუალებას, მრავალრიცხოვან ლიდერებს ვესაუბროთ ევროპის მასშტაბით და მაქსიმალურად გამოვიყენებთ ამ შესაძლებლობას“, – აღნიშნა ირაკლი კობახიძემ.
ვმონაწილეობთ ევროპული პოლიტიკური თანამეგობრობის სამიტში, გვექნება გამოსვლა მრგვალი მაგიდის ფორმატში, – ამის შესახებ ირაკლი კობახიძემ ჟურნალისტებს ირლანდიაში განუცხადა, სადაც ევროპული პოლიტიკური გაერთიანების მე-9 სამიტში მონაწილეობს.
მისი თქმით, სამიტის ფარგლებში გაიმართება ორმხრივი შეხვედრები.
„ვმონაწილეობთ ევროპული პოლიტიკური თანამეგობრობის სამიტში. გვექნება გამოსვლა მრგვალი მაგიდის ფორმატში და ამ ფორმატს ვიყენებთ ხოლმე ასევე ორმხრივი შეხვედრებისთვის, ლიდერებთან გასაუბრებისთვის. ასეთ რეჟიმში წარიმართება ეს სამიტიც. უამრავი გამოწვევაა კონტინენტის მასშტაბით, მათ შორის უსაფრთხოების კუთხით. ნარკოტიკები არის ერთ-ერთი აქტუალური თემა. რაც შეეხება მრგვალი მაგიდის ფორმატს, ის ეძღვნება ევროპაში დემოკრატიის მდგომარეობას. ყველა თემასთან დაკავშირებით, რა თქმა უნდა, გამოვხატავთ ჩვენს პოზიციას, მათ შორის ვეცდებით, საქართველოს პერსპექტივიდან დავანახოთ ჩვენს ევროპელ მეგობრებს არსებული ვითარება და არსებული ტენდენციები. აქ გაქვს საშუალება, ბევრ ლიდერს გაესაუბრო. ხანდახან ეს საუბრები ხანმოკლეა, მაგრამ, ყველა შემთხვევაში, ძალიან ღირებული. ეს სამიტი გვაძლევს საშუალებას, მრავალრიცხოვან ლიდერებს ვესაუბროთ ევროპის მასშტაბით და მაქსიმალურად გამოვიყენებთ ამ შესაძლებლობას“, – აღნიშნა ირაკლი კობახიძემ.
ამასთან, როგორც კობახიძემ აღნიშნა, დაკავშირებადობის კუთხით საქართველოს როლი არის საკვანძო.
„სამხრეთ კავკასია და კონკრეტულად საქართველო რჩება ერთადერთ სახმელეთო კარიბჭედ რეალურად აღმოსავლეთის მიმართულებით. ჩვენ მაქსიმალურად მზად ვართ, ამ კუთხით თანამშრომლობისთვის ევროპასთან, ევროკავშირთან და ბუნებრივია, ამ თემაზეც ვისაუბრებთ ჩვენ ევროპელ პარტნიორებთან“, – განაცხადა ირაკლი კობახიძემ.