“ქართულმა ოცნებამ” მიზანს მიაღწია და საქართველოს ევროპული წინსვლა შეაჩერა” – ამის შესახებ “ეკონომიკური პოლიტიკის კვლევის ცენტრის” უფროსმა მკვლევარმა, გიგი გიგიაძემ განაცხადა, რითაც ევროკომისიის ახალ ანგარიშს გამოეხმაურა.
გიგიაძე ამბობს, რომ სწორედ ხელისუფლების დამსახურებაა, რომ ევროკავშირი საქართველოს არათუ აღარ აღიქვამს პარტნიორად, არამედ საქართველოსთან მიმართებით მნიშვნელოვანი უკუსვლაა ღიად დაფიქსირებული.
ქართულმა ოცნებამ მიაღწია საკუთარ მიზანს და ეფექტურად შეაჩერა საქართველოს ევროპული წინსვლა. ეფექტურად გააჩერა ის პროცესები, რომლებიც დაწყებული იყო ამ ქვეყანაში ჩვენი დამოუკიდებლობის აღდგენის პირველივე დღიდან და ამით შეასრულა რუსეთის ნება საქართველო ჩამოეშორებია ევროპას, ჩამოეშორებია დასავლეთს. ევროკავშირი საქართველოს არათუ აღარ აღიქვამს პარტნიორად, არამედ საქართველოსთან მიმართებით არის მნიშვნელოვანი უკუსვლა ღიად დაფიქსირებული”, – ამბობს გიგი გიგიაძე.