„რა თქმა უნდა გადატანითი მნიშვნელობით იყო ნათქვამი”, – ასე უპასუხა ირაკლი კობახიძემ “პუბლიკის“ ჟურნალისტს, კახა კალაძის გამონათქვამის შესახებ დასმულ კითხვაზე.
მისი თქმით, ზოგადად ძალიან ბევრი ადამიანის ქმედებები ამ საკითხთან დაკავშირებით აჩენს სერიოზულ კითხვებს.
„ზოგადად ძალიან ბევრი ადამიანის ქმედებები ამ საკითხთან დაკავშირებით აჩენს სერიოზულ კითხვებს. სრულიად არაადეკვატური აქტიურობით გამოირჩევიან და ამის უკანაც შეიძლება იდგეს უხეში პოლიტიკური ინტერესი”. – თქვა მან.
კახა კალაძე ცოტა ხნის წინ ცხოველთა უფლებადამცველების პროტესტს გამოეხმაურა და თქვა, რომ “5-6 ადამიანი, დღესვე წასაყვანი და დასაძინებელია, ისეთ მდგომარეობაში არიან“
კალაძის მტკიცებით, თავშესაფარი სრული წესების და კანონების დაცვით მუშაობს და ცხოველების კეთილდღეობას ემსახურება. მისივე თქმით, დაუყოვნებლივ დაიწყება გამოძიება იმ პირების მიმართ, ვინც სამარხები გათხარა.