“ქართული ოცნების” დეპუტატი, ანზორ ბოლქვაძე განცხადებას ავრცელებს.
“დღევანდელი ჩემი გამოსვლა ეხება ძირითადად ქვეყნის ხელისუფლებაზე მადლიერების გამოხატვას მინდა მივუძღვნა. მადლობას ვუხდი საქართველოს მთავრობას აჭარის რეგიონში განხორციელებული და დაგეგმილი მნიშვნელოვანი ინფრასტრუქტურული პროექტებისთვის,
რომელიც ჩვენი რეგიონის განვითარებას მოსახლეობის კეთილდღეობას ემსახურება. მიუხედავად მიღწეული პროგრესისა, აჭარა კვლავ მრავალი გამოწვევის წინაშე დგას და იმედი გვაქვს, რომ ერთობლივი ძალისხმევით კიდევ ბევრი მნიშვნელოვანი საკითხი გადაწყდება.
განსაკუთრებით მადლიერებით მინდა აღვნიშნო საქართველოს საპატრიარქოს ღვაწლი აჭარის რეგიონის მიმართ. დიახ, საპატრიარქოს ორგანიზებით ბრძანდებოდა საქართველოს კათოლიკოს პატრიარქი უწმინდესი და უნეტარესი შიო მესამე აჭარაში, ხიჭაურში, სადაც
საყოველთაო ნათლობა აღსრულდა. მოინათლა დაახლოებით 1 300 ადამიანი. მადლობას ვუხდი საქართველოს პრეზიდენტს ბატონ მიხეილ ყაველაშვილს, პარლამენტის თავმჯდომარეს, ბატონ შალვა პაპუაშვილს და ჩემს კოლეგებს, პარლამენტის წევრებს, ამ მნიშვნელოვანი
სულიერი მოვლენისადმი გამოჩენილი ყურადღებისა და საყოველთაო ნათლობაზე დასწრებისათვის. ეს დღე ჩვენი რეგიონისათვის დიდი პატივი, სიხარული და განსაკუთრებით მნიშვნელოვანი მოვლენა იყო. მადლობა ყველას” – ამბობს დეპუტატი ანზორ ბოლქვაძე.
ანზორ ბოლქვაძე 2008-დან 2016 წლამდე ერთიანი ნაციონალური მოძრაობის წევრი იყო. ენმ-ის სიით ბოლქვაძე პარლამენტის ორი მოწვევის წევრი იყო. 2016 წლიდან კი “ქართულ ოცნებაში” გადავიდა.