საკონსტიტუციო სარჩელში,”ქართულ ოცნებას” “ნაციონალური მოძრაობის” წინააღმდეგ ზურაბ ჟვანიას მკვლელობის საქმე აქვს შეტანილი.
საკონსტიტუციო სასამართლოში მიმდინარე სხდომაზე ანი წითლიძემ დასვა კითხვა, მაშინ როცა “ქართული ოცნების” ხელახალმა გამოძიებამ კავშირი ვერ იპოვა ზურა ჟვანიას მკვლელობასა და ენმ-ს შორის, რა სამართლებრივი ლოგიკით შეიტანა “ქართულმა ოცნებამ” ეს საქმე სარჩელში?
წითლიძის თქმით, თავად “ქართული ოცნების” გამოძიებამ ვერ დაადგინა კავშირი ზურაბ ჟვანიას მკვლელობასა და “ნაციონალურ მოძრაობას” შორის.
მოსამარჩელე მხარეს კოლექტიური პასუხისმგებლობის და ნაციონალური მოძრაობის აკრძალვის კიდევ ერთ საფუძვლად შემოაქვს 2005 წლის ტრაგიკული მოვლენა – პრემიერ-მინისტრის, ზურაბ ჟვანიას ტრაგიკულად გარდაცვალების საქმე.
“მოსამარჩელე მხარე ამტკიცებს, რომ “წინა ხელისუფლების პირობებში საქმის გამოძიებისას მთელი რიგიო საკითხები არ გამოკვლელულა და მტკიცებულებები არ დართულა საქმეს. “ქართული ოცნება” ხელისუფლებაში მოვიდა დაპირებით, რომ ამ საქმეს ხელახლა გამოიძიებდა. მე შევახსენებ ფრაზებს “სააკაშვილმა საფერფლე ესროლა ზურაბ ჟვანიას” – ამას ციტირებენ “ქართული ოცნების” ლიდერები. ქართული ოცნება გვპირდებოდა, რომ სიმართლეს დაადგენდა. მათ დაიწყეს გამოძიება, რომლსიფ არგლებშიც დააკავეს ექსპერტი ლევან ჩიჩუა, რომელსაც ბრალად ედებოდა სამსახურეობრივი გულგრილობა ჟვანიას ცხედრის დათვალიერებისას. და რა მოხდა რეალურად პატივცემულო მოსამართლეებო? სწორედ “ქართული ოცნების” პირობებში სასამართლომ ლევან ჩიჩუა ამ საქმეში სრულად გაამართლა. ახლა მინდა მივმართო მოსამარჩელეს: თქვენივე მმართველობის პირობებში, თქვენივე პროკურატურის მიერ წარმოებული ხელახალი გამოძიებსი ფარგლებში, ერთიანი ნაციონალური მოძრაობის რომელიმე წევრს ან ლიდერს აქვს ბრალი წაყენებული ზურაბ ჟვანიას მკვლელობაზე? არა.
აქ კონსტიტუციური მართლმსაჯულების დარბაზში პარტიების აკრძალვის საკითხი უნდა ეფუძნებოდეს უტყუარ სამართლოებრივ ფაქტებს და არა პოლიტიკურ მითებს და ჭორაობას. თუ “ქართული ოცნების” ხელახალმა გამოძიებამ ვერავითარი კავშირი ვერ იპოვა ზურა ჟვანიას მკვლელობასა და ერთიან ნაციონალურ მოძრაობას შორის, ვერ დაადგინა ეს კავშირი, რა სამართლებრივი ლოგიკით არის ეს საქმე ე.წ. სისტემურ დანაშაულებებში ერთიანი ნაციონალური მოძრაობის წინააღმდეგ?” – ამბობს ანი წითლიძე.
საქართველოს ყოფილი პრემიერი 2005 წლის 3 თებერვალს, რაულ უსუპოვთან ერთად, თბილისში, ერთ-ერთ ბინაში გარდაცვლილი იპოვეს.
გამოძიების პირველად შედეგებზე დაყრდნობით, გარდაცვალების მიზეზად უბედური შემთხვევა — ბუნებრივი აზირის (ნახშირბადის მონოოქსიდით) გაჟონვით გამოწვეული მოწამვლა დასახელდა.
ოჯახის ნაწილი და სხვადასხვა პოლიტიკური აქტორი გამოთქვამენ ვარაუდს, რომ ადგილი ჰქონდა მკვლელობას, რასაც უკავშირებენ სხეულზე არსებულ დაზიანებებსა და გარემოებებს.