„ენერგო-პრო ჯორჯიას“ ინფორმაციით, გამანაწილებელ ქსელში დაგეგმილი სარეაბილიტაციო სამუშაოების გამო, 27 ოქტომბერს, 09:30-დან 18:30 საათამდე, ელექტროენერგიის მიწოდება დროებით შეეზღუდებათ აბონენტებს სოფელ წოდორეთში, თხინვალას, მუხათწყაროს და ცხვარიჭამიას ტერიტორიაზე.
მათივე ცნობით, 10:30-დან 19:30 საათამდე ელექტროენერგია შეუწყდებათ აბონენტებს დუშეთის რაიონის სოფლებში ქუმლისციხე, ციხისძირი, სეთურნი, ზემო მლეთა, ზაქათკარი, ასევე გუდაურში. 11:00-დან 16:00 საათამდე ძაბვა შეუწყდებათ აბონენტებს ყაზბეგის მუნიციპალიტეტის სოფლებში ყანობი, ხურთისი, კობი, ალმასიანი, ფხელშე, უხათი, ხოლო 13:00-დან 18:00 საათამდე – სოფლებში სნო, აჩხოტი, არშა, ახალციხე, კარკუჩა, ჯუთა, გაიბოტენი, გარბანი. 12:00-დან 14:00 საათამდე დენი გაეთიშებათ აბონენტებს მცხეთის მუნიციპალიტეტის სოფლებში ნატახტარი, მისაქციელი.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.