აფხაზეთის იმ მცხოვრებლებს, რომლებსაც “ორმაგი მოქალაქეობა” აქვთ, მოსკოვის აეროპორტებში რუსეთის საზღვრის “აფხაზური პასპორტით” გადაკვეთისას პრობლემები ექმნებათ – მესაზღვრეები მათგან რუსული დოკუმენტის წარდგენას მოითხოვენ | ინფორმაციას ამის შესახებ რუსულენოვანი დამოუკიდებელი საინფორმაციო-ანალიტიკური ინტერნეტ-გამოცემა Кавказский узел ავრცელებს
ამავე ინფორმაციით, საკითხი ოკუპირებული აფხაზეთის ე.წ. საგარეო საქმეთა მინისტრ ოლეგ ბარციცისა და “აფხაზეთში რუსეთის ფედერაციის საქმეთა დროებითი რწმუნებულის”, მაქსიმ ლიტვინოვის შეხვედრაზე განიხილეს
„აფხაზურმა მხარემ შეშფოთება გამოთქვა იმ შემთხვევების ზრდასთან დაკავშირებით, როდესაც აფხაზეთის რესპუბლიკის მოქალაქეებს, რომლებსაც ასევე აქვთ რუსეთის მოქალაქეობა, უარი ეთქვათ სასაზღვრო კონტროლზე რუსეთის ფედერაციაში შესვლის და/ან ქვეყნიდან გასვლისას, აფხაზური პასპორტის გამოყენებით“ | აცხადებს აფხაზეთის საოკუპაციო რეჟიმი