“ვერ მოგვისყიდეს, ამიტომ ხმა წაგვართვეს“ – ქართველი ემიგრანტების აქცია შვეიცარიაში

შვეიცარიაში მცხოვრები ქართველი ემიგრანტები არჩევნებში მონაწილეობის შეზღუდვასა და ოპოზიციური პარტიების აკრძალვის პროცესს აპროტესტებენ.

აქციის მონაწილეები, მათ შორის ფიზიკოსები, ექიმები და უნივერსიტეტის ლექტორები, აცხადებენ, რომ მხოლოდ ხმის მისაცემად საქართველოში ერთი დღით დაბრუნების მოთხოვნა აბსურდულია. ისინი საზღვარგარეთ მცხოვრები საქართველოს მოქალაქეებისთვის არჩევნებში მონაწილეობის შესაძლებლობის უზრუნველყოფას ითხოვენ.

ემიგრანტები ასევე მოითხოვენ ოპოზიციური პარტიების აკრძალვის პროცესის შეჩერებას.

„ვერ მოგვისყიდეს, ამიტომ ხმა წაგვართვეს“, – აცხადებენ აქციის მონაწილეები, რომლებიც ხელისუფლების გადაწყვეტილებებს აპროტესტებენ.