კონფერენს ლიგის ძირითადი ეტაპის მეორე ტურში, “იბერია 1999” -მა საშინაო მატჩი გამართა შვედურ “მიალბისთან” მიხეილ მესხის სტადიონზე და ფრედ 1:1 ითამაშა.
22 წლიანი ლოდინის შემდეგ, ევროპულ სცენაზე დაბრუნებულმა საქართველოს ჩემპიონმა პირველ ტურში ბელგიურ “სენტ-ტრუდენთან” თამაში დათმო, თუმცა შინ უკვე ისტორიული ქულის მოპოვება მოახერხა.
მატჩის პირველი ტაიმი ორივე გუნდისთვის უშედეგოდ დამთავრდა, თუმცა მეორე ნახევარში მასპინძლები დაწინაურდნენ – ნიკა სიხარულაშვილმა პენალტის მოპოვება შეძლო, ხოლო კაპიტანმა ჯემალ-გიორგი ჯინჯოლავამ ზუსტად შესრულებული დარტყმით გუნდი დააწინაურა.
ისტორიულ გამარჯვებამდე “იბერია 1999”-ს რამდენიმე წუთი აშორებდა, თუმცა სტუმრებმა მაინც შეძლეს გოლის გატანა და მატჩის 89-ე წუთზე ტომ პეტერსონმა ანგარიში გაათანაბრა.
შეგახსენებთ, რომ “იბერია 1999” ტურნირის მომდევნო შეხვედრას 5 ნოემბერს – დანიურ “კოპენჰაგენთან” გამართავს.