საქართველოს თავდაცვის ძალების ერთ-ერთ სამხედრო ბაზაზე ჯარისკაცმა ცეცხლსასროლი იარაღით თვითდაზიანება მიიყენა.
ამის შესახებ ინფორმაცია ფორმულამ გაავრცელა.
„მიმდინარე წლის 21 ოქტომბერს, საქართველოს თავდაცვის ძალების ერთ-ერთ სამხედრო ნაწილში, სამხედრო მოსამსახურემ, მალხაზ მურთაზის ძე ბაბუციძემ (დაბ: 2007 წ.) ცეცხლსასროლი იარაღით მიიყენა თვითდაზიანება. სამხედრო მოსამსახურე დაუყოვნებლივ იქნა გადაყვანილი საავადმყოფოში. მომხდარ ფაქტთან დაკავშირებით საქართველოს თავდაცვის სამინისტროს სამხედრო პოლიციის დეპარტამენტის მიერ მიმდინარეობს გამოძიება სსკ-ის 115 მუხლის პირველი ნაწილით“ – უთხრეს თავდაცვის სამინისტროს პრესსამსახურში ფორმულას.