გარკვეულწილად, ყველა განვიცდით, რომ ჩვენი გუნდის ყოფილი ლიდერი დღეს სისხლის სამართლებრივ პასუხისმგებლობაშია მიცემული, – ამის შესახებ საქართველოს პარლამენტის თვითმმართველობის კომიტეტის თავმჯდომარე ირაკლი ქადაგიშვილმა განაცხადა.
ქადაგიშვილის თქმით, გასაგებია, ირაკლი ღარიბაშვილი თვლის, რომ მის მიმართ პროცესი პოლიტიკურია, მაგრამ კონკრეტული ფაქტები და მტკიცებულებები არსებობს, რაც წინა საქმეში იდო.
„ახალი პროცესი, რაც მის მიმართაა, ალბათ, იქაც გამოძიებას თავისი მტკიცებულებები და არგუმენტები ექნება. არ მინდა, ამ პროცესის ანალიზში შესვლა, ჩემი საქმე საქმე არ არის, ამას სასამართლო პროცესი გვიჩვენებს. ალბათ რეალობაა ის, რაც გამოძიებით და სასამართლოთი დამტკიცებულია და თავადაც აქვს აღიარებული. ეს არის რეალობა და თან სამწუხარო რეალობა. ხედავთ, რომ ეს ამბავი არავის არ უხარია და არავის მოგვწონს. გარკვეულწილად, ყველა განვიცდით, რომ ჩვენი გუნდის ყოფილი ლიდერი დღეს სისხლის სამართლებრივ პასუხისმგებლობაშია მიცემული“, – აღნიშნა ქადაგიშვილმა.