პოლონეთში სკოლებში უსაფრთხოების უზრუნველსაყოფად მასშტაბური საპოლიციო ოპერაცია ჩატარდა. ხელისუფლების წარმომადგენლებმა უარყვეს, რომ სკოლებში მომხდარი თავდასხმები ორგანიზებულ ჯგუფებთან იყოს დაკავშირებული.
პოლონეთის შინაგან საქმეთა მინისტრმა განაცხადა, რომ ორშაბათს სკოლებთან 20 000-ზე მეტი პოლიციელი იყო განთავსებული.
მისი თქმით, პოლონელ ბავშვებზე თავდამსხმელების მიმართ არანაირი ტოლერანტობა არ იქნება.
აღნიშნულზე მან TVP Info-სთან საუბრისას განაცხადა „საჭიროა მკაფიო გზავნილი: პოლონელ ბავშვებზე თავდასხმას და საზოგადოებრივი ცხოვრების ანარქიაში ჩაძირვას არანაირი ტოლერანტობა არ ექნება“, – განაცხადა მაღალჩინოსანმა.
პოლიციის ცნობით, მათ პარასკევიდან მოყოლებული 80 000 საგანმანათლებლო დაწესებულება შეამოწმეს და 135 პირი დააკავეს.