ბათუმის საერთაშორისო აეროპორტში დილიდან ფრენები შეფერხებით სრულდება. რამდენიმე მიმართულებით ავიარეისები დაგვიანდა – ინფორმაციას “აჭარა თაიმსი” ავრცელებს.
მგზავრების ინფორმაციით, აეროპორტში ფრენის მომლოდინე ადამიანთა დიდი რიგია.
„აჭარა თაიმსს“ ბათუმის აეროპორტში განუცხადეს, რომ ფრენების შეფერხება კლიმატურმა პირობებმა გამოიწვია. მათივე ინფორმაციით, ამ დროისთვის ფრენები ყველა მიმართულებით ეტაპობრივად აღდგა.