პირველ რიგში მინდა საჯაროდ დავგმო არჩევნები, რომელიც რუსეთმა საქართველოს ტერიტორიაზე ჩაატარა – ამის შესახებ რუმინეთის საგარეო საქმეთა მინისტრმა ლუქსემბურგში, ევროკავშირის საგარეო საქმეთა მინისტრების შეხვედრამდე ჟურნალისტებს განუცხადა.
ოანა-სილვია ცოიუს თქმით, ძალიან მნიშვნელოვანია მკაფიოდ ითქვას ამ ფაქტის შესახებ.
“მე ვნახე ევროკავშირის ბევრი მაღალჩინოსნის განცხადება, რომელმაც ასევე ძალიან ნათლად დააფიქსირა საკუთარი პოზიცია. ვფიქრობ, ესაა ნიშანი რომ ჩვენ, ევროპული ოჯახი მზად ვართ, დავუჭიროთ მხარი საქართველოს სუვერენიტეტს და მის გადასვლას უფრო ძლიერი და მედეგი დემოკრატიისკენ”- განაცხადა რუმინეთის საგარეო საქმეთა მინისტრმა.
რაც შეეხება “ქართული ოცნებასთან” დიალოგს, ოანა ტოიუს თქმით, ევროკავშირი მუდამ მზადაა, დიალოგი განაგრძოს იმ ქვეყნებთან და მთავრობებთან, რომლებიც იცავენ დემოკრატიას:
სრულად ვერ დავეთანხმები თქვენს შეფასებას, თითქოს დიალოგს ევროკავშირი ბოიკოტს უცხადებდეს; ევროკავშირი მუდამ მზადაა, დიალოგი განაგრძოს იმ ქვეყნებთან და მთავრობებთან, რომლებიც იცავენ დემოკრატიას და მზად არიან, ოპოზიციას პირდაპირ, საარჩევნო გზით გაუწიონ კონკურენცია”- განაცხადა მან.
დღეს, 12 ოქტომბერს, ლუქსემბურგში ევროკავშირის საგარეო საქმეთა საბჭოს სხდომა იმართება, სადაც წევრი ქვეყნების საგარეო საქმეთა მინისტრები საქართველოს საკითხსაც განიხილავენ. სხდომას კაია კალასი ხელმძღვანელობს. საქართველოს საკითხი დღის წესრიგში „მიმდინარე საკითხების“ ნაწილშია შეტანილი.