ევროპარლამენტის რეზოლუცია კარგი და ნათელი მაგალითია იმ მდგომარეობის აღწერისთვის, რაშიცაა ევროპარლამენტი, – ამის შესახებ პარლამენტის განათლების კომიტეტის თავმჯდომარემ, მარიამ ლაშხმა განაცხადა.
მისი თქმით, ევროპარლამენტის რეზოლუცია ეწინააღმდეგება სხვა რეზოლუციებს იმ მიმართულებით, როდესაც ისინი არ აღიარებენ პარლამენტს.
„ვხედავთ, რომ ამ რეზოლუციებს ყოველთვის ფონად აქვს ლობიზმი. ლობიზმი მიხეილ სააკაშვილის გათავისუფლებაზე. ამ რეზოლუციების ავტორები სწორედ ის ადამიანები არიან, რომლებიც მიზანმიმართულად და სხვადასხვა ინტერესის გამო ჩვენი ქვეყნის დემოკრატიული პრინციპების წინააღმდეგ მიდიან. ვხედავთ, ამ რეზოლუციებს, როგორც მანამდე, არც დღესაც, ფასი არ აქვს. სამწუხაროდ, ისინი ამ რეზოლუციებით აჩვენებენ მხოლოდ საკუთარ მიზნებს და იმ პრაქტიკას, რაც, დღეს ევროპარლამენტშია“, – განაცხადა მარიამ ლაშხმა.
ევროპარლამენტმა საქართველოსთან დაკავშირებით მორიგი რეზოლუცია 8 ოქტომბერს მიიღო.