“მივმართავთ ნიდერლანდების მთავრობას თხოვნით, გაითვალისწინოს პარლამენტის წარმომადგენელთა პალატის გადაწყვეტილება… – “კოალიცია ცვლილებისთვის” სოციალურ ქსელში განცხადებას ავრცელებს.
“კოალიცია ცვლილებისთვის” მიესალმება 2026 წლის 8 ოქტომბერს ნიდერლანდების პარლამენტის წარმომადგენელთა პალატის მიერ მიღებულ რეზოლუციას, რომლითაც პარლამენტი ქვეყნის მთავრობას სთხოვს, თანამოაზრე სახელმწიფოებთან ერთად, ადამიანის უფლებათა ევროპული კონვენციის 33-ე მუხლის საფუძველზე სახელმწიფოთაშორის სარჩელი შეიტანოს სტრასბურგის ადამიანის უფლებათა სასამართლოში.
მივმართავთ ნიდერლანდების მთავრობას თხოვნით, გაითვალისწინოს პარლამენტის წარმომადგენელთა პალატის გადაწყვეტილება, ევროპის საბჭოს საპარლამენტო ასამბლეის რეზოლუციები საქართველოს შესახებ, მათ შორის 2026 წლის 24 ივნისის რეზოლუცია 2664, ასევე ევროპარლამენტის არაერთი რეზოლუცია საქართველოში ადამიანის უფლებების მასობრივი დარღვევისა და პოლიტიკური ნიშნით დევნის შესახებ, და მიიღოს გადაწყვეტილება სახელმწიფოთაშორისი საჩივრის შეტანის თაობაზე.
ასეთი გადაწყვეტილება საჭიროა საქართველოს მოქალაქეების უფლებების დასაცავად ივანიშვილის რეპრესიული რეჟიმისგან, რომელმაც საკუთარი მოქალაქეების წინააღმდეგ ძალადობა სახელმწიფო პოლიტიკად აქცია, ხოლო სასამართლო და ყველა სამართალდამცავი უწყება მოქალაქეების უფლებების დაცვის ნაცვლად სრულად მოარგო საკუთარი რეპრესიული ამოცანების შესრულებას” – წერია განცხადებაში.