პაატას პოზიცია არის მკაფიო და ძალიან ჩამოყალიბებული, სანამ ყველა ადამიანი არ დატოვებს ციხეს, ვინც იყო მისული 4 ოქტომბერს აქციაზე, იქამდე საპროცესო შეთანხმებას არ განიხილავს, – ამის შესახებ მსოფლიო ბანის, პაატა ბურჭულაძის შვილმა, ალექსანდრე ბურჭულაძემ განაცხადა.
მისი ინფორმაციით, დაკავებულ მსოფლიო ბანს ჰქონდა უკვე შეთავაზება, საპროცესო შეთანხმებაზე, მაგრამ უარი განაცხადა.
“პაატა პირველი დღიდან მოუწოდებდა აბსოლუტურად ყველას, ვინც იყვნენ დაკავებულები 4 ოქტომბრის აქციაზე, რომ გაეფორმებინათ საპროცესო შეთანხმება, და დაეღწიათ თავი ციხეს. მითუმეტეს, დღევანდელ დღეს, როდესაც უკვე 1 წელია ზის ყველა ის ადამიანია, რომლებიც უბრალოდ მონაწილეები იყვნენ 4 ოქტომბრის შეკრების, დაამტკიცეს მათ უკვე თავიანთი ერთგულება ქვეყნის მიმართ და პაატასი და ჩემი პოზიციაც ისაა, რომ ის ხალხი ბევრად უფრო საჭიროა გარეთ, ვიდრე ციხეში. თავად ამ ეტაპზე არც განიხილავს, მე რა ინფორმაციაც მაქვს, ჰქონდა უკვე შეთავაზება, დაახლოებთ ერთ თვეში უნდა დაეტოვებინა, მაგრამ უარი განაცხადა. იგივე პირობებზე იყოს საუბარი, როგორც ზოდელავას შემთხვევაში, წელიწადსა და ერთ თვეზე. იქიდან გამომდინარე, რომ პაატას პოზიცია არის მკაფიო და ძალიან ჩამოყალიბებული, სანამ ყველა ადამიანი არ დატოვებს ციხეს, ვინც იყო მისული 4 ოქტომბერს აქციაზე, იქამდე საპროცესო შეთანხმებას არ განიხილავს” – განაცხადა ალექსანდრე ბურჭულაძემ.
გუშინ პაატა ბურჭულაძემ წერილი გაავრცელა. 4 ოქტომბრის აქციის ორგანიზატორი, ამ საქმეზე დაკავებულებს საპროცესო გარიგების გაფომებას სთხოვს.
ის ფიქრობს, რომ ციხიდან შეთანხმებით გამოსვლა, ეს არ არის არც სინანული და არც რამის აღიარება, თუნდაც ფორმალობა ამას მოითხოვდეს. ბურჭულაძის აზრით, ახლა ტაქტიკური მოქმედებაა საჭირო, რომ ყველა გარეთ იყოს და გააგრძელონ ისევ ეფექტური ბრძოლა ბიძინა ივანიშივლის წინააღმდეგ.