აქცია საზოგადოებრივ მაუწყებელთან – სავარაუდო სექსუალური ძალადობის მსხვერპლი პატიმრის ოჯახი პირდაპირ ეთერს ითხოვს. გიორგი დავითაძის მშობლები, ოჯახის წევრები და მხარდამჭერები ითხოვენ, რომ მათ არხის წარმომადგენელი შეხვდეთ.
ცოტა ხნის წინ საზოგადოებრივი მაუწყებლის შენობაში შესვლა მოითხოვა პატიმრის მამამ, თუმცა მას დაცვის თანამშრომელი ჭიშკრის კარს არ უხსნიან.
“იმას ელოდება ეს ტელევიზია, ჩემს შვილს მიცვალებულს როდის გამომიყვანენ იქიდან” – ამბობს ავთანდილ დავითაძე.
საზოგადოებრივ მაუწყებელთან მობილიზებულია პოლიციაც.
“მილიონებს ახარჯავს ქართველი ხალხი ამ ტელევიზიას და ერთი წარმომადგენელი არ გამოვიდა აქ. სძინავთ? თუ იმას ელოდება ეს ტელევიზია, ჩემს შვილს მიცვალებულს როდის გამომიყვანენ იქიდან. რატომ მიკეტავთ შესასვლელს? ტერორისტი ვარ?”, – ამბობს ავთანდილ დავითაძე.
არ ეგონოს არცერთი უწყების წარმომადგენელს, რომ ამ დანაშაულს როგორმე დაფარავს. არ გამოუვათ, კადრები, რაც გაავრცელეს, პირიქით, ადასტურებს გიორგის მიერ მიცემულ ჩვენებას და ჩანს, როგორ იძალადეს ჩემს ძმაზე. მე მინდა მოვუწოდო საზოგადოებას და საზოგადოებრივ მაუწყებელს, მოვითხოვთ პირდაპირ ეთერს, რომ საზოგადოებამ გაიგოს სიმართლე”, – ამბობს გიორგი დავითაძის და.
36 წლის გიორგი დავითაძემ პროტესტის ნიშნად გაურკვეველი მცირე ზომის საგანი გადაყლაპა. კაცმა სექსუალური ძალადობის შესახებ სააპელაციო სასამართლოში განაცხადა.
მისივე თქმით, №6 პენიტენციური დაწესებულების დეესკალაციის ოთახში მასზე დაახლოებით ათმა ბადრაგმა იძალადა.
პატიმარ გიორგი დავითაძის ბრალდების შემდეგ, რომლის მიხედვითაც ის ბადრაგმა გააუპატიურა, პენიტენციური სამსახურმა 2025 წლის 21 დეკემბერს დეესკალაციის ოთახში გადაღებული 4 წუთიანი ვიდეომასალა გაავრცელა.
კადრებში ჩანს ფიზიკური დაპირისპირება ბადრაგსა და პატიმარ დავითაძეს შორის. პაატა სალიას უწყება ირწმუნება, რომ პატიმარი ტყუის, როცა სექსუალურ ძალადობაზე საუბრობს.
პატიმრის ოჯახი ციხის უფროსის, შოთა ტრაპაიძის გადადგომას და ამ საქმეზე მიუკერძოებელი გამოძიების ჩატარებას ითხოვს.