ბევრი ითმინა ზურაბ გირჩი ჯაფარიძემ შალვა პაპუაშვილის წარმატებული ვიზიტები და ბოლოს იფიქრა, პარლამენტის თავმჯდომარის ტანზანიის ვიზიტს სათავისოდ გამოხმაურებოდა, მაგრამ აქაც სულ ტყუილად გაისარჯა, – წერს პარლამენტის თავმჯდომარის მოადგილე ნინო წილოსანი სოციალურ ქსელში.
წილოსანი შალვა პაუაშვილის ტანზანიაში ვიზიტზე ზურაბ გირჩი ჯაფარიძის სტატუსს გამოეხმაურა და აღნიშნა, რომ მათი უბადრუკი მდგომარეობის გადასაფარად უმცირესს შანსააც კი ებღაუჭება.
მისი თქმით, საქართველოს იზოლაცია არ არსებობს, საკონსტიტუციო სასამართლოში კი ნამდვილად არის შეტანილი ანტისახელმწიფოებრივი დაჯგუფებების აკრძალვაზე სარჩელი.
„ბევრი ითმინა ზურაბ გირჩი ჯაფარიძემ შალვა პაპუაშვილის ბრიუსელის, სერბეთის, ლუქსემბურგის ვიზიტები, პრემიერ-მინისტრის საფრანგეთის და აშშ-ის წარმატებული ვიზიტები და ბოლოს იფიქრა, პარლამენტის თავმჯდომარის ტანზანიის ვიზიტს სათავისოდ გამოხმაურებოდა, მაგრამ აქაც სულ ტყუილად გაისარჯა ზურა – ტანზანიაში საპარლამენტთაშორისო კავშირის (IPU) 153-ე ასამბლეა იმართება, სადაც 130-ზე მეტი ქვეყნის წარმომადგენელი, მათ შორის შენთვის „საფეტიშებელი“ ქვეყნებიც ესწრებიან.
თითქოს უკვე გონს უნდა მოგებულიყავით და საქართველოს ხელისუფლების ვითომ იზოლაციის აბსურდული მითი აღარც გაგხსენებოდათ, მაგრამ, როგორც ჩანს, უმცირეს შანსსაც ებღაუჭებით, რომ თქვენი უბადრუკი მდგომარეობა რაღაცით მაინც გადაფაროთ.
საქართველოს იზოლაცია არ არსებობს, საკონსტიტუციო სასამართლოში კი ნამდვილად არის შეტანილი თქვენი და თქვენი მსგავსი ანტისახელმწიფოებრივი დაჯგუფებების აკრძალვაზე სარჩელი“, – წერს ნინო წილოსანი.
ცნობისთვის, „კოალიცია ცვლილებებისთვის“ ერთ-ერთი ლიდერი ზურაბ ჯაფარიძე სოციალურ ქსელში პარლამენტის თავმჯდომარის შალვა პაპუაშვილის ტანზანიაში ვიზიტს ეხმაურება.
„იზოლაციის მორიგი წარმატებული და უტყუარი გარღვევა. სად არაა ოპოზიცია პარლამენტში, თორემ ხომ დაჯდებოდნენ დელეგაციაში. თუ არის?“- წერს ზურაბ ჯაფარიძე.