ვალერი გელაშვილი ხაშურში ბიზნესს ჰყიდის. მათ შორის, მშენებარე კორპუსს ,,ტერასა ივერიას”, რომელიც ხაშურის ცენტრში შენდება – ინფორმაციას ადგილობრივი მედია ქართლის ამბები, ხაშურის საკრებულოს წევრ, ზაზა მეხრიშვილზე დაყრდნობით ავრცელებს.
მეხრიშვილი იტყობინება, ბიზნესმენი მშობლიურ ქალაქში მხოლოდ საცხოვრებელ სახლს იტოვებს.
,,ყველაფერი გააქვს საქართველოდან. მხოლოდ სახლს იტოვებს. სხვა არაფერი ვიცი” – წერს ზაზა მეხრიშვილი.
ვალერი გელაშვილი 2012–2016 წლებში „ქართული ოცნებიდან“ ხაშურის მაჟორიტარი დეპუტატი იყო. 2021 წლის ადგილობრივ არჩევნებზე ის ხაშურის მერობაზე დამოუკიდებელ კანდიდატად კენჭისყრას გეგმავდა, თუმცა კანდიდატურა „ქართული ოცნების“ სასარგებლოდ მოხსნა.