ახმეტის მუნიციპალიტეტში, საკრებულოს შუალედური არჩევნები მიმდინარეობს. საარჩევნო უბანი სოფელ კასრისწყალშია გახსნილი – ინფორმაციას “მთავარი ამბები კახეთიდან” ავრცელებს.
საკრებულოს მაჟორიტარი წევრის მანდატისთვის რეგისტრირებულია მხოლოდ ერთი კანდიდატი, „ქართული ოცნება – დემოკრატიული საქართველოს“ წარმომადგენელი, ლევან ითიურიძე.
მისი კანდიდატურა მოსახლეობას წინასაარჩევნოდ პარტიის წარმომადგენლებმა წარუდგინეს.
შუალედური არჩევნები დღეს, 3 ოქტომბერს, მაჟორიტარული სისტემით ერთდროულად ოთხ მუნიციპალიტეტში, ახმეტაში, ვანში, წალკასა და დმანისში ტარდება.
ოთხივე მუნიციპალიტეტში შვიდი საარჩევნო უბანი 08:00 საათზე გაიხსნა, კენჭისყრა 20:00 საათზე დასრულდება.
ამომრჩევლებს ელექტრონული და ტრადიციული კენჭისყრის მოდელების გამოყენება შეუძლიათ.