ერთ დღეში უკვე მეორე ევროპული ფონდის შესახებ გახდა ცნობილი, რომელიც საქართველოში ოფისს ხურავს.
კონრად ადენაუერის შემდეგ, მუშაობას საქართველოში ფრიდრიხ ნაუმანის ფონდიც წყვეტს.
ოპოზიციაში ამბობენ, რომ აქამდე “ქართული ოცნების“ პოლიტიკამ მიგვიყვანა და ერთმანეთის მიყოლებიოთ ფონდების საქართველოდან გასვლა ნიშნავს დასავლეთთან ურთიერთობის კიდევ უფრო გაფუჭებას.
როდესაც ფონდები იხურება, უნდა გვესმოდეს რომ ეს არის “ქართული ოცნების“ პოლიტიკის პირდაპირი გამოხატულება, რომელმაც მიიღო ყველა ის კანონი, რამაც პირდაპირ და ღიად უბიძგა ფონდეს და აიძულა ისინი შეეწყვიტათ საკუთარი საქმიანობა ჩვენ ქვეყანაში. გერმანულ ფონდებს აქვთ უზარმაზარი წვლილი შეტანილი ქართული დემოკრატიის და სამოქალაქო საზოგადოების განვითარებაში, პოლიტიკური ბერლინის ფონდების გასვლა ნიშნავს გემანიასთან დასუსტებული ურთიერთობის კიდევ უფრო გაუარესებას, და სწორედ იმ გერმანიასთან კავშირის სპობას, რომელშიც კობახიძე და პაპუაშვილი სწავლობდნენ, – განაცხადა გრიგოლ გეგელიამ.
ფონდების დახურვაზე პასუხისმგებლობას „ქართულ ოცნებას“ აკისრებს ირაკლი ფავლენიშვილიც. მისი თქმით, ისეთი პრობლემები და დაბრკოლებები შეუქმნა “ქართულ ოცნებამ“ მსგავს ორგანიზაციებს და ფონდებს, რომ ერთმანეთის მიყოლებით იხურებიან.
ისეთი პრობლემები და დაბრკოლებები შეუქმნა “ქართულ ოცნებამ“ მსგავს ორგანიზაციებს და ფონდებს, რომ ერთმანეთის მიყოლებით იხურებიან. ის საგანმანათლებლო პროექტები, პოლიტიკური დიალოგის ხელშემწყობი პროექტები, რომლებიც მსგავსი ფონდების მიერ ხორციელდებოდა, აღარ განხორცილდება და ეს იქნება ცუდი ისევ ჩვენი ქვეყნისთვის, – განაცხადა ირაკლი ფავლენიშვილმა.