“Times Higher Education-ის (THE) 2027 წლის მსოფლიო უნივერსიტეტების რეიტინგში ილიას სახელმწიფო უნივერსიტეტი საქართველოს უნივერსიტეტებს შორის კვლავ პირველ ადგილზეა.
წლევანდელი რეიტინგი კიდევ უფრო მასშტაბურია: THE World University Rankings 2027 აერთიანებს 118 ქვეყნისა და ტერიტორიის 2,297 უნივერსიტეტს.
2027 წლის შედეგებში განსაკუთრებით აღსანიშნავია ილიაუნის კვლევითი მაჩვენებლების გაუმჯობესება.
უნივერსიტეტის კვლევის ხარისხის (Research Quality) მაჩვენებელი 47.6-დან 53.6-მდე გაიზარდა, რაც წინა წელთან შედარებით 6-ქულიანი ზრდაა. ბოლო წლების დინამიკაც მკაფიო პროგრესზე მიუთითებს: 2022 წელს ეს მონაცემი 34.6 იყო, 2027 წელს კი 53.6-ს მიაღწია.
🎓 კვლევის ხარისხის მაჩვენებლით ილიას სახელმწიფო უნივერსიტეტი მსოფლიო უნივერსიტეტების გვერდით იკავებს ადგილს, როგორებიცაა:
▪️ კიუშუს უნივერსიტეტი 55,2 (იაპონია) მსოფლიო რეიტინგი 301-325
▪️ ოსაკას უნივერსიტეტი 54,5 (იაპონია) მსოფლიო რეიტინგი 147
▪️ გრაცის ტექნოლოგიური უნივერსიტეტი 53,8 (ავსტრია) მსოფლიო რეიტინგი 401-450
▪️ ოქსფორდ ბრუკსის უნივერსიტეტი 53,6 (გაერთიანებული სამეფო) მსოფლიო რეიტინგი 701-800
▪️ვილნიუსის უნივერსიტეტი 53,4 (ლიეტუვა) მსოფლიო რეიტინგი 801-1000
📈 ასევე გაუმჯობესდა კვლევითი გარემოს (Research Environment) მაჩვენებელი – 9.7-დან 11.1-მდე. 2022 წელთან შედარებით ზრდა ამ მიმართულებითაც თვალსაჩინოა – მაჩვენებელი 8.0-დან 11.1-მდე გაიზარდა.
⚪ THE-ის რეიტინგის მეთოდოლოგიაში კვლევას განსაკუთრებული მნიშვნელობა ენიჭება: Research Environment-ისა და Research Quality-ის ერთობლივი წილი საერთო შეფასების 59%-ს შეადგენს.
🔴 ბოლო წლებში ილიას სახელმწიფო უნივერსიტეტი თანმიმდევრულად ზრდის კვლევით შესაძლებლობებს, საერთაშორისო თანამშრომლობასა და აკადემიურ კავშირებს. ფართოვდება პარტნიორობა ევროპის, აზიისა თუ ამერიკის წამყვან უნივერსიტეტებთან, ვითარდება ერთობლივი კვლევითი პროექტები და საერთაშორისო აკადემიური პროგრამები” – წერს ილიას სახელმწიფო უნივერსიტეტი გავრცელებულ განცხადებაში

კატეგორიები

ბოლო ამბები

No Result