“ვუცხადებ სოლიდარობას ჩემს თანამესაკნეს თამაზ ელიზბარაშვილს და მასთან ერთად ვიწყებ შიმშილობას…” – რას ამბობს ანატოლი გიგაური

„მოგესალმებით ჩემო თანამებრძოლებო, ოპოზიციაში მყოფო პოლიტიკოსებო დიდი პატივისცემით გთხოვთ და მოგიწოდებთ გავერთიანდეთ, ვიყუროთ წინ საკუთარი შეხედულებების განსხვავებების და ამბიციების მიუხედავად, უნდა შევძლოთ ყველა ადამიანს მიეცეს შანსი გახდეს უკეთესი, ნებისმიერი საქართველოს გულშემატკივარი გვჭირდება ევროპული მომავლისთვის ბრძოლაში, მე, როგორც „ერთიანი ნაციონალური მოძრაობის” რიგითი წევრი გაჩვენებთ მაგალითს, ვუცხადებ სოლიდარობას ჩემს თანამესაკნეს თამაზ ელიზბარაშვილს და მასთან ერთად ვიწყებ შიმშილობას უსამართლობის წინააღმდეგ.
პიროვნება თამაზ ელიზბარაშვილი, რომელმაც 2012 წლის არჩევნებში ჩემი პარტიის გასაშავებლად შექმნა ლეგენდა და ლომის წვლილი შეიტანა პარტია ქართული ოცნების, ბიძინა ივანიშვილის გამარჯვებაში, მაგრამ ამ ყველაფრის და მიუხედავად, მივდივარ წინ. მისდამი უსამართლობა არის ჩემი მოტივატორი, არსებულის წინააღმდეგ ბრძოლაში გვაერთიანებს თანადგომა, მეგობრობა და არა მტრობა, თუ ბუნება და აზროვნება არის ჯანსაღი სამშობლოს სიყვარულისთვის შეუძლებელი არაფერია, ნებისმიერი ადამიანის შესაძლებლობა დასაფასებელია და იმსახურებს გვერდით დგომას. ეს არის ღირსეული საქციელი, არასწორ თვითრიალიზაციის გზად მიმაჩნია ძლიერზე ქიშპობა, თავკერძული მაცდური მჭერმეტყველება, დიდკაცობა დაღუპავს ქვეყანას!!
მსოფლიოს ყურადღების მოქცევაში და საზოგადოების გაერთიანებაში გავეჯიბროთ, წარმატებას მოგვიტანს ყველას, პროექტებზე და განვითარებაზე ვიდაოთ არ არის ცუდი, მაგრამ მე უკეთესი ვარ, დაგვყობს და არ გაგვაერთიანებს, ერთად უნდა ავაშენოთ თანასწორობაზე, მზრუნველობაზე, განვითარებაზე დაფუძნებული, ევროპული ქვეყანა, ვიაროთ წინ, წინ საქართველო, წინ საქართველო, წინ ევროპისკენ“ – წერს ანატოლი გიგაური ციხიდან გამოგზავნილ წერილში.
პროკურატურამ თამაზ ელიზბარაშვილს მუქარის ფაქტზე ბრალდება წარუდგინა. გამოძიების ინფორმაციით, 30 აგვისტოს, თბილისის ერთ-ერთ რესტორანში ელიზბარაშვილსა და დაზარალებულს შორის სოციალურ ქსელში დაწერილ კომენტართან დაკავშირებით სიტყვიერი კონფლიქტი მოხდა, რა დროსაც ელიზბარაშვილი დაზარალებულებს სიცოცხლის მოსპობითა და ჯანმრთელობის დაზიანებით დაემუქრა. მოგვიანებით კი, როგორც პროკურატურა აცხადებს მუქარის აღსრულების მიზნით, ელიზბარაშვილი შეიარაღებული დაბრუნდა ადგილზე და რესტორანში შეჭრას ცდილობდა. პროკურატურის განცხადებით, 31 აგვისტოს ბრალდებულმა სოციალურ ქსელში ვიდეომიმართვაც გამოაქვეყნა, სადაც მუქარას განაგრძობდა.