ახალციხის მუნიციპალიტეტის, აწყურის კულტურის სახლში თემურ თათარაშვილის კონცერტი 190 კაციან დარბაზში ჩატარდა. მომღერლის ჰონორარისთვის, ადგილობრივი ბიუჯეტიდან, გამარტივებული შესყიდვით 10 000 ლარი გამოიყო. პროგრამის ხანგრძლივობა 1 საათი და 30 წუთი იყო – ინფორმაციას “სამხრეთის კარიპჭე” ავრცელებს.
- ცნობისთვის, მერიის ოფიციალურ გვერდს კონცერტის შესახებ ინფორმაცია არ გაუვრცელებია. ღონისძიებამდე ერთი დღით, ანონსი მუნიციპალიტეტის კულტურის დაწესებულებათა გაერთიანების „ფეიზბუკ“ გვერდზე განთავსდა. მეორე დღეს კი ფოტოები გამოაქვეყნეს.
მომღერალთან ხელშეკრულება მერიის ექსკლუზიური უფლებამოსილებით, გამარტივებული შესყიდვის საფუძველზე გაფორმდა.
შეგახსენებთ, რომ ახალციხის სოფელ აწყურში, კულტურის სახლის დარბაზს რეაბილიტაცია 2024 წელს დასრულდა.