3 ოქტომბერს, დღესასწაულ „ადიგენობაზე“ ჯგუფი „ურსა“ იმღერებს, რისთვისაც მუნიციპალიტეტი 30 000 ლარს გადაიხდის.
ადიგენის მერი, გოჩა ქიმაძე აცხადებს, რომ „რეგიონი მაღალი ხარისხის კონცერტს იმსახურებს“, თუმცა მერიაში ჯგუფის შერჩევის კონკრეტულ კრიტერიუმებზე არ საუბრობენ.
„ურსა“ 2025 წლის საარჩევნო კამპანიისას „ქართული ოცნების“ კანდიდატის, კახა კალაძის მხარდამჭერ კონცერტებს მართავდა – ჯგუფის პროდიუსერი უარყოფს, რომ მუნიციპალიტეტებში მათ პოლიტიკური სიმპათიების გამო იწვევენ.