სექტემბრის ბოლო დღეებში საქართველოში ამინდი საგრძნობლად შეიცვლება – ტემპერატურა დაიკლებს და ცალკეულ დღეებში ნალექიც არის მოსალოდნელი.
არსებული გრძელვადიანი პროგნოზების მიხედვით, ოქტომბერი საქართველოში გარდამავალი და ცვალებადი ამინდით გამოირჩევა.
თბილისის 30-დღიანი პროგნოზის მიხედვით, ოქტომბრის დასაწყისში დედაქალაქში დღისით დაახლოებით +19, +24 გრადუსია მოსალოდნელი.
ცალკეულ დღეებში შესაძლებელია მცირე წვიმა, თუმცა პერიოდულად გამოიდარებს და ტემპერატურაც მოიმატებს.
ოქტომბრის პირველ დღეებში შედარებით გრილი ამინდი შენარჩუნდება. პროგნოზის მიხედვით, 1-2 ოქტომბერს თბილისში დღისით დაახლოებით +19-20 გრადუსი იქნება,
3-4 ოქტომბერს კი მცირე ნალექია მოსალოდნელი და ტემპერატურა შესაძლოა +16-17 გრადუსამდე დაეცეს.
5-7 ოქტომბერს კვლავ გამოიდარებს და დღისით დაახლოებით +21 გრადუსამდე დათბება.
სინოპტიკოსების გრძელვადიანი პროგნოზები მიუთითებს, რომ შემოდგომის მეორე თვეს საქართველოში კვლავ შესაძლებელია შედარებით თბილი დღეები, თუმცა ღამის ტემპერატურა თანდათან დაიკლებს.
ოქტომბერში საქართველოში, იქნება გრილი დილა, პერიოდული წვიმა და ცალკეულ დღეებში კვლავ თბილი ამინდი.