ჟურნალისტი ბესო ჩუბინიძე სიონის ტაძრის ეზოდან პირდაპირ ეთერში ჩაერთო და მამუკა ონაშვილის პანაშვიდებისა და დაკრძალვის ცერემონიების შესახებ მსმენელს ინფორმაცია მიაწოდა.
მომღერალს სიონის საკათედრო ტაძარში დაასვენებენ.
პანაშვიდები ხვალ და ზეგ, 2 და 3 აგვისტოს გაიმართება, დაკრძალვა კი 4 აგვისტოს, ხუთშაბათს იქნება.
„რაც დაზუსტებით შემიძლია გითხრათ, ისაა, რომ მეგობრები ვიყავით საბურთალოს სასაფლაოზე, შევარჩიეთ ადგილი და გადაწყდა, რომ მას საბურთალოს სასაფლაოზე, ზურა დოიჯაშვილის გვერდით დავკრძალავთ. ისინი მეგობრები იყვნენ და იმ ქვეყნადაც ერთად იქნებიან“. – თქვა ბესო ჩუბინიძემ
ცნობისთვის, მამუკა ონაშვილი გუშინ ავტოავარიაში მოჰყვა, საავადმყოფოში მძიმე მდგომარეობაში გადაიყვანეს, დღეს დილით კი გარდაიცვალა.