მოკლული მასწავლებლის, გიგა ავლიანის საქმეზე ადვოკატი ირწმუნება, რომ შეუტყობინებლობის ბრალდებით დაკავებული ანასტასია ბერუაშვილი გიგა ავალიანზე თავდასხმის ფაქტზე წინასწარ ინფორმირებული არ იყო.
უფლებადამცველი ამტკიცებს, რომ ბერუაშვილმა მას შემდეგ გაიგო შეყვარებულისგან ინფორმაცია, როცა უკვე ტრაგედია მომხდარი იყო.
“მისმა შეყვარებულმა აცნობა, რომ ერთმა ადამიანმა მეორეს ხელ გაარტყა, გაითიშა და შემდეგ სასწრაფო გამოიძახეს” – ამბობს ადვოკატი.
ანასტასია ბერუაშვილს არანაირი შემხებლობა 2025 წლის პირველ ოქტომბრამდე, სანამ ის უბედურება მოხდებოდა, განვითარებულ მოვლენებთან შემხებლობა არ ჰქონია. საერთოდ მათთან შემხებლობა არ ჰქონია ვინც არიან დაკავებულები, მსჯავრდებულები, ვისი საქმის განხილვაც უკვე მიდის. ანასტასია ბერუაშვილს ამ ჯგუფთან შემხებლობა არ ჰქონია, არც იცნობდა. არც გიგა ავალიანს იცნობდა, არც მისი სახელი გაეგო, უბრალოდ მისმა შეყვარებულმა აცნობა, რომ მოხდა ასეთი რამ – ერთმა ადამიანმა მეორეს ხელ გაარტყა, გაითიშა, ეს არის ბრალდებაში და გამოუძახეს სასწრაფოს. 8 თვის მერე აკავებენ ანასტასია ბერუაშვილს შეუტყობინებლობის ბრალით”, – ამბობს ადვოკატი.
ანასტასია ბერუაშვილს ბრალი სისხლის სამართლის კოდექსის 376-ე მუხლის მე-2 ნაწილით წარუდგინეს, რაც განსაკუთრებით მძიმე დანაშაულის შეუტყობინებლობას გულისხმობს. აღნიშნული ქმედება 7 წლამდე ვადით თავისუფლების აღკვეთას გულისხმობს.
27 წლის გიგა ავალიანის მკვლელობის საქმეზე პროკურატურამ ბრალი კიდევ ორ არასრულწლოვანს – ნია იმნაძესა და ანასტასია ბერუაშვილს 6 აგვისტოს წაუყენა.
იმნაძეს ჯგუფურად ჯანმრთელობის განზრახ მძიმე დაზიანების წაქეზებას ედავებიან – დანაშაული 13 წლამდე პატიმრობას ითვალისწინებს.
რაც შეეხებაანასტასია ბერუაშვილს მას ბრალი განსაკუთრებით მძიმე დანაშაულის შეუტყობინებლობის მუხლით წარუდგინეს. დანაშაულის დამტკიცების შემთხვევაში, მას 7 წლამდე ვადით თავისუფლების აღკვეთა ემუქრება.
საქმის მასალების მიხედვით, ნია იმნაძემ ალექსანდრე გაბაშვილს და გიორგი მალანიას უთხრა, რომ გიგა ავალიანი მის მიმართ “ზედმეტ ყურადღებას იჩენდა”, რითაც მან ალექსანდრე გაბაშვილი წააქეზა, თანამზრახველებთან ერთად თავს დასხმოდა გიგა ავალიანს.
პროკურატურის ინფორმაციით, საბოლოოდ, ალექსანდრე გაბაშვილის, გიორგი რიკაძის და დემეტრე ჩიქოვანის მიერ შემუშავებული გეგმის მიხედვით, ალექსანდრე გაბაშვილი და გიორგი რიკაძე ჯგუფურად თავს დაესხნენ გიგა ავალიანს, რომელიც რამდენიმე დღეში გარდაიცვალა.
გიგა ავალიანის საქმეზე 7 პირია დაკავებული: ალექსანდრე გაბაშვილი, გიორგი რიკაძე, ანი ნასყიდაშვილი, დემეტრე ჩიქოვანი, გიორგი მალანია, ნია იმნაძე და ანასტასია ბერუაშვილი არიან დაკავებულები.