მომღერალი მამუკა ონაშვილი გარდაიცვალა. იგი ავარიაში მოყვა და მძიმე მდგომარეობაში იყო. ინფორმაცია გარდაცვალების შესახებ ლევან რატიანმა დაადასტურა.
„ვაი მამუკაა, როგორ მეგონა, რომ გადარჩებოდი“ – მაიკო კაჭკაჭიშვილი.
„რატომ ღმერთო, რატომ? ჩემო ბუთქუჩა, დიდო ადამიანო“ – მარიტა როხვაძე
„მამუ შენს სახელს დავიწყება არ უწერია, ჩემი ბავშვობა ხარ!“
„მშვიდობით, უკეთილესო ადამიანო“
„ჩამწყვიტე გული ბოლომდე ადამიანო, როგორ მჯეროდა, რომ გამოძრებოდი“
„ჩემო საყვარელო უფროსო მეგობარო…ჩემი ბავშვობის ყველაზე ნათელო და პოზიტიურო მოგონებების განუყრელო მონაწილევ…სიყვარულის და პოზიტივის გენერატორო…მიყვარხარ, არ გემშვიდობები, შევხვდებით იქ, სადაც მართალნი განისვენებენ“ – ხატია სიჭინავა
„ჩემი დალაიმუმუ წავიდა ზურასთან!!! რამდენი სიკეთე და სიყვარული დატოვე ჩვენს გულებში!“ – ზურა ხაჩიძე
„როგორ გვინდოდა ყველას ჩვენი საყვარელი მამუკა ონაშვილი, გადარჩენილიყო! მამუკა გვაპატიე ყველას, ვინც ბოლომდე არ მოგეფერეთ და ხშირად არ გახსენებდით, რომ მაგარი ადამიანი ხარ, ბევრი ღირსებით, რამდენ ადამიანს უყვარხარ და პატივს გცემს! ყველას ძალიან დაგვაკლდები! ღმერთმა დაგიმკვიდროს მარადიული სასუფეველი, საიდანაც ვიცი ყველა შენიანისთვის და შენი ქვეყნისთვის ილოცებ!“ – ნოე სულაბერიძე