“წყალს კანალიზაცია შეერია…” – ხაშურში ოჯახის სამი წევრი წყლის დალევის შემდეგ მოიწამლა

ხაშურში, 9 აპრილის ქუჩაზე მცხოვრები მოქალაქის თქმით, ოჯახის სამი წევრი წყლის დალევის შემდეგ მოიწამლა – ინფორმაციას “ქართლის ამბები” ავრცელებს.

ადგილობრივმა მეზობლებს და აღნიშნულ ქუჩაზე მცხოვრებ მოქალაქეებს სოციალური ქსელით მოუწოდა, რომ არ მიიღონ სასმელი წყალი.

„მთელი ღამე გვაღებინებდა და ფაღარათი გვქონდა. მე მუცლის ტკივილისგან გულიც კი წამივიდა, ისეთი ცუდად ვიყავი. წყალს კანალიზაცია შეერია“, – უყვება “ქართლის ამბებს” ოჯახის ერთ-ერთი წევრი.