შალვა ნათელაშვილმა აზერბაიჯანის საელჩოს საქართველოში ნოტა გადასცა, სადაც აზერბაიჯანის მთავრობისათვის სპეციალური კითხვებია შეტანილი.
ნათელაშვილის თქმით, 7 წლის წინ ივანიშვილის მოღალატეობრივი გარიგებით, ალიევის შეიარაღებულმა ძალებმა დაიკავეს დავით გარეჯის ,მსოფლიო მნიშვნელობის ქართული ქრისტიანული ძეგლის სიმაღლეები და აღნიშნული პროცესი გადაიზარდა ანექსიაში.
ნათელაშვილი ითხოვს აზერბაიჯანის მთავრობამ უპასუხოს მის კითხვებს, რომელიც საელჩოს უკვე გადასცა.
“7 წელი გავიდა მას, რაც 2019 წლის 21 აპრილს, ოლიგარქ ივანიშვილის მოღალატეობრივი გარიგებით , ალიევის შეიარაღებულმა ძალებმა დაიკავეს დავით გარეჯის ,მსოფლიო მნიშვნელობის ქართული ქრისტიანული ძეგლის სიმაღლეები და მათ, ჩვენდა სამარცხვინოდ, წინ მოუძღოდნენ ქართველი მესაზღვრეები. აღნიშნული პროცესი გადაიზარდა ოფიციალურ ანექსიაში, რის გამოც, დღეს ჩვენ გადავეცით საქართველოში აზერბაიჯანის საელჩოს ნოტა შეკითხვებით, რომელზედაც მთავრობამ უნდა გასცეს პასუხი. აქვე ვადასტურებთ უდიდეს სიყვარულს და აპტივისცემას აზერბაიჯანელი ხალხის მიმართ და ხალხები ამ პროცესებთანა არფერ შუაში არ არიან.
1. როგორ შეუერთდა დავით გარეჯი აზერბაიჯანის აღსტაფას რაიონს
2. ვინ გადაარქვა აღდგომის მონასტერს სახელი და დაარქვა ალბან მებედი
3. ვინ შეიცვალა ისტორიული სახელწოდება ჩიჩხიტურს და დაარქვა კეჩიგ ჩიგალი
4. ვინ დაარქვა მთლიანად დავით გარეჯს კეშიგ ჩიდაგი
5. ვინ უწოდა ყველაზე მაღალ სიმაღლეს ამ ტერიტორიაზე ილჰამ ალიევის სახელი, ჩვენ არ ვიცოდით, რომ ეს ბატონი მთამსვლელიც ყოფილა თურმე
6. ჰქვია ამას თუ არა ოკუპაცია და ანექსია იურიდიულ სამართლებრივ საერთაშორისო ენაზე.
აი, ამ კითხვებზე პასუხი ჩვენ და ქართველ და აზერბაიჯანელ ხალხს აინტერესებს და ასევე, რატომ უნდა იძლეოდეს ნებართვას დავით გარეჯის მოსანახულებლად აზერბაიჯანის სასაზღვრო უწყება – ამაზეც გაგვცენ პასუხი. სანამ არ იქნება პასუხი, სანამ აზერბაიჯანის სამხედრო ძალებია რ დატოვებენ დავით გარეჯის ტერიტორიას და არ აღდგება სტატუსქვო ვითარება ამ ჩვენ სალოცავ მიწაზე, მივმართეთ დღეს აშშ-ს კონგრესის 415 წევრს, და 100 სენატორს, გაგრძელდეს ემბარგო აზერბაიჯანისთვის იარაღის მიწოდებაზე, რომელიც მოქმედებს 90 -იანი წლებიდან ყარაბაღში მიმდინარე ომის გამო. აგრესორს არ შეიძლება მიეწოდებოდეს იარაღი,” – განაცხადა ნათელაშვილმა.