“ძალიან უყვარდა თავისი სამსახური. კარგი ადამიანი იყო… 20 წელი ამ პროფესიას ემსახურებოდა, საავიაციო უნივერსიტეტის დამთავრების შემდეგ ერთი დღე არ ყოფილა ისე, რომ არ ემსახურა. უყვარდა თავისი სამსახური, უყვარდა თავისი ქვეყანა, მოსწონდა ეს საქმე, ხალხს რომ ეხმარებოდა. იცოდა ხოლმე თქმა მესიჯად – “მივფრინავ და თუ დამირეკავ, ტელეფონი არ იჭერსო”, – სად მიფრინავდა, რატომ, როგორ, ამას არა – “მივფრინავ, მალე ჩამოვალ, თუ არ ჩამოვედი, გაგაგებინებო”, მწერდა. ახლა არაფერი არ მოუწერია”.
ამბობს tvპირველთან საუბარში გუდაურში მომხდარი ავიაკატსროფის დროს დაღუპული მფრინავის, დიმიტრი ქააძის მეუღლე.
შეგახსენებთ, გუშინ, გუდაურში, პარალპლანისტი ტურისტთან ერთად კლდეს შეეჯახა. მათ გადასარჩენად ადგილზე მისული ვერტმფრენი კი ჩამოვარდა და აფეთქდა. ბორტზე მყოფი რვავე ადამიანი დაიღუპა. ასევე გარდაცვლილია ტურისტი.