ვინ ავსებს „ოცნების“ სალაროს აჭარაში და იღებს ასობით მილიონს ბიუჯეტიდან? – კვლევას ამის შესახებ “საერთაშორისო გავჭვირვალობა საქართველო” ავრცელებს.
TI-იმ დაადგინა, რომ 2026 წლის იანვარ აგვისტოში აჭარიდან „ქართულ ოცნებას“ 2.4 მილიონი ლარი შესწირეს, რაც ორგანიზაციის გამოთვლით, ეს პარტიის ამ პერიოდში მიღებული შემოწირულებების 41 პროცენტია.
ირკვევა, რომ შემწირველთა შორის არიან გიორგი ჭყონია, ლაშა ბალაძე, ბესიკ ჟღენტი, „ნოვას“ მეწილეები და სხვა მსხვილ ბიზნესებთან დაკავშირებული პირები.
“საერტაშორისო გამჭვირვალობა საქართველომ” დადგინა, რომ ამ ადამიანებთან დაკავშირებულმა კომპანიებმა სახელმწიფო შესყიდვებიდან ჯამში 870 მილიონი ლარი მიიღეს.
მკვლევარები ამბობენ, რომ ამავე კომპანიებზე გაცემულია დაახლოებით 3 მილიონი კვადრატული მეტრის მშენებლობის ნებართვა, ძირითადად ბათუმსა და ქობულეთში.
კვლევა ასევე მიუთითებს ერთსა და იმავე დღეებში განხორციელებულ მსხვილ შემოწირულებებზე. მხოლოდ ასეთი სინქრონული გადარიცხვებით „ქართულმა ოცნებამ“ 1.27 მილიონ ლარზე მეტი მიიღო.
მაგალითად, TI-ის ცნობით, „ნოვას“ მეწილეებმა 2026 წელს პარტიას 278 ათასი ლარი შესწირეს. გიორგი ჭყონიასა და მასთან დაკავშირებული პირების წლევანდელმა შემოწირულებებმა 120 ათასი ლარი შეადგინა, ხოლო ლაშა ბალაძემ პარტიას 50 ათასი ლარი გადაურიცხა.
“ეს არის ფაქტები, რომლებიც აჩენს კითხვას, როგორ უკავშირდება ერთმანეთს პარტიული შემოწირულებები, სახელმწიფო კონტრაქტები და სამშენებლო ნებართვები”- აცხადებენ ორგანიზაციაში. განაგრძეთ კითხვა…