სკოლებში ახალი სახელმძღვანელოებისა და სკოლის ეზოების გამწვანების ინიციატივაზე რიმა ბერაძე განცხადებას ავრცელებს და კმაყოფილებას გამოხატავს ირაკლი კობახიძის მიზნებთან დაკავშირებით.
“ახალი სახელმძღვანელოები შედგენილია მოსწავლისათვის ძირეული ცოდნის შეძენის მიცემაზე, აგებულია ქვეყნის ეროვნულ ღირებულებებზე და ორიენტირებულია სამშობლოს მოყვარული, ეროვნული ღირებულების დამფასებელი მოქალაქის აღზრდაზე. ყველა ის ღირებულება, რომელსაც სახელმძღვანელოების შექმნის პროცესი ეფუძნება, შესანიშნავად არის გადმოცემული მეშვიდე და მეცხრე კლასის სახელმძღვანელოების ფურცლებზე – მამული, ენა სარწმუნოება. ღმერთი, სამშობლო, ადამიანი.
განსაკუთრებით მინდა გამოვყო პრემიერმინისტრის ინიციატივა – ჩემი პირველი ნერგი. რომლის ფარგლებშიც, ჩვენს სკოლებში მოსწავლეები ნერგებს დარგავენ. ეს მხოლოდ გამწვანების პროექტი არ არის. ეს არის ინიციატივა, რომელიც ბავშვებს ბუნებასთან, ზრუნვასთან და პასუხისმგებლობასთან აკავშირებს. თითოეული დარგული ხე იქნება პატარა, მაგრამ მნიშვნელოვანი დაპირება მომავლისადმი, რომ დღევანდელი მოსწავლეები ხვალ გაიზრდებიან გარემოში, რომლის შექმნაშიც თავადაც ექნებათ წვლილი შეტანილი.
მინდა ეს ნერგები ჩვენი სკოლების ეზოებში მხოლოდ ხეებად კი არა, სიცოცხლის, იმედისა და მომავლის სიმბოლოდ გაიზარდოს…” – თქვა რიმა ბერაძემ პარლამენტის პლენარულ სხდომაზე სიტყვით გამოსვლისას.