“მას გამოარჩევს კეთილსინდისიერება და ეს არის მთავარი კრიტერიუმი რის საფუძველზეც ქალბატონ მაიას ვთხოვეთ დაეკავებინა კულტურის მინისტრის თანამდებობა” – თქვა ირაკლი კობახიძემ მაია ბითაძის კულტურის მინისტრის პოსტზე წარდგენისას.
“ძალიან კარგად ვიაზრებ პასუხისმგებლობის იმ ხარისხს, რომელიც მე მაკისრია, როგორც გუნდის ასევე იმ თითოეული ადამიანის წინაშე, ვინც ქმნის ქართულ კულტურას. კულტურა ეს არამხოლოდ შემოქმედება და კულტურული მემკვიდრეობა, არამედ ჩვენი ერის თვითმყოფადობის, იდენტობის ნაწილია და სწორედ ის ენაა, რითიც ჩვენ უნდა ვესაუბროთ მთელ მსოფლიოს” – თქვა ბითაძემ კულტურის მინისტრად დანიშვნის შემდეგ.
მაია ბითაძე ამ დრომდე საქართველოს პარლამენტის წევრი იყო და გარემოს დაცვისა და ბუნებრივი რესურსების კომიტეტის თავმჯდომარის თანამდებობას იკავებდა.
რა განცხადებას ავრცელებს ირაკლი კობახიძე მაია ბითაძის კულტურის მინისტრად დანიშვნაზე
