17 წლის დავით ნარიმანიძის მკვლელობისთვის დაკავებულ არასრულწლოვანს აღკვეთის ღონისძიების სახით პატიმრობა შეეფარდა – გადაწყვეტილება თბილისის საქალაქო სასამართლოში მოსამართლე ვალერიან ბუგიანიშვილმა გამოაცხადა.
ბრალდებულს, რომელიც ასევე 17 წლისაა, ედავებიან განზრახ მკვლელობას, ხულიგნური ქვენა გრძნობით, რაც 16-დან 20 წლამდე პატიმრობას ითვალისწინებს. დანაშაულის დამტკიცების შემთხვევაში მას „არასრწულწლოვანთა მართლმსაჯულების კოდექსით“ სასჯელი 1/4-ით შეუმცირდება.
10 სექტემბერს შსს-მ გაავრცელა ინფორმაცია, რომ გამთენიისას თბილისში 17 წლის ბიჭი ცივი იარაღის გამოყენებით მოკლეს. შსს-ს ცნობითვე, განზრახ მკვლელობის ბრალდებით არასრულწლოვანი დააკავეს. მოგვიანებით აღმოჩნდა, რომ მოკლული არასრულწლოვანი 17 წლის დათო ნარიმანიძეა.