ხო, და კიდევ ბერა ივანიშვილი მისი შვილის ნათლიაა, შესაბამისად, ივანიშვილის ოჯახის ნათელმირონია… – რას წერს ნიკა გვარამია სოციალურ ქსელში.
“ფარცხალაძე:
ივანიშვილის გენპროკურორი, იძულებით გადაყენებული გერმანიაში ქურდობის გამო და შემდეგ ყველა გენპროკურორის პირადად მაკონტროლებელი;
მთელი სასამართლო სისტემის რეალური ბოსი (პროკურატურასთან ერთად);
ივანიშვილის ბიზნეს რეკეტის მთავარი წარმმართველი, მოქმედი მინისტრის (ყიფიანი) “დამპადვალებელი”;
დასანქცირებულია აშშ-ს მიერ, როგორც ფსბ-ს ინტერესებში მოქმედი;
დასანქცირებულია დიდი ბრიტანეთის მიერ უკრაინის ომში რუსეთის უკანონო მხარდაჭერისთვის;
ივანიშვილის ეროვნულმა ბანკმა მისთვის მიიღო სპეციალური რეგულაცია და სანქციების მოქმედება მიზანმიმართულად აარიდა;
მისი დაკვეთით დაქირავებულმა ქილერმა ქუჩაში მოკლა ბიზნესმენი ლევან ჯანგველაძე;
წელს გახდა რუსეთის კომუნისტური პარტიის წევრი;
9 თვე მსახურობდა რუსულ ბატალიონში “არბატი”;
შექმნა და მეთაურობს შეიარაღებულ დაჯგუფება “გეორგიევსკს” (სახელი ქვია გეორგიევსკის ტრაქტატის საპატივცემულოდ), რომელიც რუსეთის მხარეს ომობს უკრაინელების წინააღმდეგ ომში;
აცხადებს, რომ ყველა ქართველი, რომელიც უკრაინის მხარეს იბრძვის, სამხედრო დამნაშავეა და რუსული სასამართლოს წინაშე მოუწევს პასუხის გაცემა;
ესაა არასრული სია ფარცხალაძის საქმეების. კაცის, რომელიც ყველა სახელმწიფო საიდუმლოებაში ჩაახედა ივანიშვილმა, უსაშველოდ გაამდიდრა, ჩააბარა პროკურატურა და სასამართლო, კრიმინალის კონტროლი და ბიზნესის რეკეტი, აარიდა დასავლურ სანქციებს და გადაამალინა ქონება, და რომელიც ახლა რუსეთის მოქალაქეა, მის მხარეს იბრძვის უკრაინელების წინააღმდეგა და ქართველ მეომრებს რუსული სასამართლოთი ემუქრება.
ხო, და კიდევ ბერა ივანიშვილი მისი შვილის ნათლიაა, შესაბამისად, ივანიშვილის ოჯახის ნათელმირონია” – წერს ნიკა გვარამია სოციალურ ქსელში.