ვლადიმერ ჩაჩიბაია ოთარ რომანოვ-ფარცხალაძის მიერ დანაყოფ “გეორგიევსკის” შექმნას ემხაურება. მისი თქმით, ფარცხალაძე 9 თვის განმავლობაში იმყოფებოდა “არბატის” შემადგენლობაში.
“ფარცხალაძე როგორც ახსენებს, 9 თვის განმავლობაში იმყოფებოდა “არბატის” შემადგენლობაში. არბატი როგორც ქვედანაყოფი ჩამოყალიბდა ბოქსის ფედერაციის, თუ რაღაც კლუბის ბაზაზე, რომელთა ხელმძღვანელებიც იყვნენ სომხური წარმომავლობის ადამიანები, რომლებსაც ასევე კავშირი ჰქონდათ კრიმინალურ ცხოვრებასთან. შემდგომში არბატი სასომხეთში გამოიყენებოდა სიტუაციის ასარევად რუსეთის სპეცსამსახურების მხრიდან.
ეს ქვედანაყოფი, რომელსაც ფარცხალაძე ქმნის ალბათ რუსეთის სპეცსამსახურების დახმარებით, ასევე შეიძლება თავსატეხი გახდეს თუნდაც არსებული ხელისუფლებისთვის…ეს ქვედანაყოფი ჩამოყალიბებისთანავე დიდი ალბათობით გაივლის გამოცდილებას უკრაინის ფრონტის ხაზზე, ის დარჩენილი პირადი შემადგენლობა, 50-60% დიდი ალბათობით განადგურებული იქნება, იმის გათვალისწინებით, თუ როგორი ინტენსივობით მიმდინარეობს ბრძოლა უკრაინაში, თუმცა გამოცდილებამიღებული ადამიანები, შემდგომში შეიძლება გამოყენებულ იქნან სხვადასხვა მიზნებით თუნდაც საქართველოში. მოხდეს მათი შემოჟონვა, შემოდინება და შემდგომში სად რა პროვოკაციულ საქმიანობას განახორციელებენ, ეს დიდი თავსატკივარი იქნება, ალბათ, სრულიად საქართველოსთვის” – ამბობს “TV ფორმულასთან” თავდაცვის ძალების ყოფილი მეთაური, გენერალი ვლადიმერ ჩაჩიბაია ოთარ რომანოვ-ფარცხალაძის მიერ დანაყოფ “გეორგიევსკის” შექმნაზე.
ფარცხალაძემ კრემლის მედიას უთხრა, რომ ამ დანაყოფის ჩამოყალიბებამდე მომზადება რუსულ ქვედანაყოფ “არბატში” გაიარა:
“უზენაესი მთავარსარდლის, ვლადიმერ პუტინის მიერ 2025 წლის 9 მაისს გამარჯვების აღლუმზე მოწვევის მიღების შემდეგ, მტკიცედ გადავწყვიტე არბატის მოხალისეთა კორპუსში მემსახურა, სადაც ცხრა თვე გავატარე. ხოლო „არბატში“ სამსახურის დასრულების შემდეგ, მე და ჩემმა თანამოაზრეებმა გადავწყვიტეთ შეგვექმნა საერთაშორისო მოხალისეთა რაზმი „გეორგიევსკი” – განუცხადა ოთარ რომანოვ ფარცხალაძემ კრემლის პროპაგანდისტულ TASS-ს.