საბა სხვიტარიძის დედა დარწმუნებულია, რომ მისი შვილის საქმეზე პასუხისმგებლობა ყველა იმ პირს დაეკისრება, ვინც, მისი შეფასებით, არასწორ გამოძიებასა და უკანონო განაჩენში მონაწილეობდა. ელენე ახობაძე ამბობს, რომ დაუსჯელი არც ის პირები დარჩებიან, რომლებიც საბა სხვიტარიძის წამებაში მონაწილეობდნენ და ოჯახი ამ საქმეზეც სამართლებრივ ბრძოლას სტრასბურგში გააგრძელებს.
ყველა აგებს პასუხს თავიანთი არასწორი ქმედებების და არასწორი განაჩენის გამო. გამოძიებაც არასწორად წავიდა, სასამართლომაც არასწორად გამოუტანა განაჩენი საბა სხვიტარიძეს და დარწმუნებული ვარ, რომ სულყველა დაისჯებიან. ასევე, ვაპირებთ, რომ წამების საქმეზეც ხელმეორედ განიხილება სტრასბურგში და დაუსჯელი არავინ იქნება, ყველა აგებს პასუხს კანონის წინაშე, ვინც ასე საშინლად აწამა საბა და არავის შერჩება ეს, – ამბობს ელენე ახობაძე.
“საერთაშორისო გამჭვირვალობა საქართველო” საბა სხვიტარიძის საქმეს სტრასბურგში ასაჩივრებს.
TI-ში აცხადებენ, რომ ორგანიზაციამ ადამიანის უფლებათა ევროპულ სასამართლოს უკვე მიმართა.
“ჩვენი შეფასებით, საბა სხვიტარიძის წინააღმდეგ სისხლის სამართლის საქმისწარმოებაში დაირღვა სამართლიანი სასამართლოს უფლება და აღნიშნული უფლების დარღვევა სახელმწიფომ პოლიტიკური მიზნით განახორციელა”- აღნიშნავენ ორგანიზაციაში.