გიგა ავალიანის მკვლელობის საქმე – ბრალდების მხარე ამტკიცებს, რომ მათ აქვთ შესაბამისი მტკიცებულებები გიორგი მალანიას წინააღმდეგ, რომლითაც დადასტურდება, რომ ის ნამდვილად დამნაშავეა.
როგორც საქმის პროკურორი, ქეთი სონიძე ამბობს, არსებობს არაერთი სატელეფონო ზარი, გაბაშვილსა და მალანიას შორის, საიდანაც ირკვევა, რომ ისინი ერთმანეთისთვის უცნობები არ არიან.
პროკურორის მტკიცებით, გიორგი მალანია არის ერთადერთი პირი, რომელიც ინფორმაციას აწვდიდა გიგა ავალიანის მოძრაობის და გადაადგილების შესახებ ალექსანდრე გაბაშვილს.
ალექსანდრე გაბაშვილსა და გიორგი მალანიას შორის, რამდენიმე ათეული ზარი ფიქსირდება, მაშინ, როდესაც ეს ადამიანები ერთმანეთისთვის უცნობები იყვნენ, გიორგი მალანიამ იცოდა, რომ კონკრეტული პრობლემა ჰქონდა ნია იმნაძეს მასწავლებლთან და ეს ინფორმაცია მან შეყვარებულსაც მიაწოდა და გიორგი მალანიასაც და სწორედ ამის შემდეგ დაუკავშირდა ერთმანეთს ეს ორი არასრულწლოვანი – გიორგი მალანია და ალექსანდრე გაბაშვილი. არსებობს დემეტრე ჩიქოვანსა და გაბაშვილს შორის მესიჯი, სადაც გაბაშვილი ჩიქოვანს ეუბნება, რომ გიო, ნიაკოს მეგობარი ეხმარება მისამართის გაგებაში. ეს მიმოწერა არის გაბაშვილსა და ჩიქოვანს შორის, რომლებიც ამ საქმეში უკვე მსჯავრდადებულები არიან.
28-29-30 სექტემბერს და უშუალოდ დანაშაულის ჩადენის დღეს 1 ოქტომბერს მრავალი, ათეულობით ზარი, გაბაშვილის ტელეფონიდან გამავალი და მალანიას ტელეფონში შესული. გიორგი მალანია არის ერთადერთი პირი, რომელიც ინფორმაციას აწვდიდა გიგა ავალიანის მოძრაობის და გადაადგილების შესახებ ამ ადამიანს. გაბაშვილის ტელეფონში შენახული იყო სახელით-გიო, ნიაკოს მეგობარი, გიორგი მალანი. შესაბამისად, მათ შორის, არანაირი კავშირი არ არსებობდა, გარდა იმ ინტერესისა, რომ ვითომდა ნია იმნაძე დაეცვათ გიგა ავალიანისგან. გიორგი მალანია თავად აღიარებდა იმ ფაქტს გამოძიებაში, რომ იცოდა ნია იმნაძის მიმართ არასასურველი დამოკიდებულების შესახებ, გიგა ავალიანის მხრიდანდ ა ეს ინფორმაცია იცოდა გაბაშვილმაც, – ამბობს ქეთი სონიძე.
დღევანდელ პროცესზე ნია იმნაძის ჯგუფებელები გამოიკითხნენ, რომლებიც მასთან მეცადინეობდნენ.
ცნობისთვის, გიორგი მალანიას გიგა ავალიანის ჯანმრთელობის ჯგუფურად, განზრახ მძიმე დაზიანებაში დახმარებას ედავებიან. მას ბრალი საქართველოს სისხლის სამართლის კოდექსის 25, 117-ე მუხლის მე-3 ნაწილის „ლ“ ქვეპუნქტით აქვს წარდგენილი.