ხობი-პირველი მაისი-ხამისკური საავტომობილო გზის მონაკვეთზე მომხდარი ავტოსაგზაო შემთხვევის შედეგად 2 პირი დაშავდა. თვითმხილველის ინფორმაციით, წუხელ გზის აღნიშნულ მონაკვეთზე შეფერხებული იყო მოძრაობა.
„როგორც ადგილზე ამბობდნენ, ავტომობილი ძროხას დაეჯახა, იქვე ეგდო ძროხის ტანი და თავი ცალ-ცალკე”, – გვითხრა თვითმხილველმა. ადგილზე მობილიზებული იყო საგანგებო სიტუაციებისა და სასწრაფო დახმარების ბრიგადები, ასევე სამართალდამცველები. მომხდარ ფაქტზე შსს-მ დაიწყო გამოძიება სსკ-ის 276-ე მუხლით, რაც გულისხმობს, ტრანსპორტის მოძრაობის უსაფრთხოების ან ექსპლუატაციის წესის დარღვევას.