6 დღიანი ძებნის შემდეგ თბილისის ზღვაში 15 წლის უმუდ სოფიევის ცხედარი იპოვეს

6-დღიანი ძებნის შემდეგ თბილისის ზღვაში 15 წლის უმუდ სოფიევის ცხედარი იპოვეს – ინფორმაცია მთავარს საგანგებო სიტუაციების მართვის სამსახურში დაუდასტურეს. გავრცელებული ინფორმაციით, ბიჭი თბილისის ზღვაზე მეგობრებთან ერთად საცურაოდ წავიდა და წყლიდან ამოსვლა ვეღარ მოახერხა
“საგანგებო სიტუაციების მართვის სამსახურის მყვინთავებმა, თბილისის ზღვაში რამდენიმე დღის წინ დაკარგული 15 წლის მოზარდის ცხედარი, ზღვაში, 30 მეტრის სიღრმეზე იპოვეს. საძიებო სამუშაოები უწყვეტ რეჟიმში, ყველა შესაბამისი წყალზე სამაშველო სპეც-ტექნიკის და აღჭურვილობის გამოყენებით მიმდინარეობდა” – ამბობენ უწყებაში.