2026 წლის 6 თვეში (იანვარ-ივნისი) საქართველოს გზებზე მოძრაობის წესების დარღვევისთვის 1 749 952 ვიდეოჯარიმა გამოიწერა, აქედან 927 189 პირველ კვარტალში, 822 760 კი აპრილი-ივნისის პერიოდში. ამაზე მიუთითებს შინაგან საქმეთა სამინისტროს მიერ გამოქვეყნებული ბოლო სტატისტიკა.
საქართველოში ვიდეოჯარიმები სხვადასხვა სამართალდარღვევის გამო იწერება, მათ შორისაა: სიჩქარის გადაჭარბება, პერიოდული ტექნიკური ინსპექტირება (კამერები ავტომატურად ამოწმებენ ბაზაში, აქვს თუ არა ავტომობილს გავლილი სავალდებულო ტექდათვალიერება), შუქნიშნის წითელ ფერზე გავლა, „ბასლაინში“ ავტომობილით მოძრაობაზე და ა.შ.
აღსანიშნავია, რომ საგზაო მოძრაობის წესების დარღვევებს შორის სიჩქარის ლიმიტის დარღვევა დაფიქსირებული ვიდეოჯარიმების რაოდენობით ყოველწლიურად ლიდერობს. მაგალითად, წელს 3 თვეში 15კმ-საათზე მეტი სიჩქარით გადაჭარბებაზე თითქმის 531 ათასი ჯარიმა გამოიწერა. ეს კი გამოწერილი ვიდეოჯარიმების 57%-ზე მეტია.