რუსთაველის გამზირის რეაბილიტაციაში ორი ახალი კომპანია – შპს AWARD-ი და შპს “ნიუკონსი” ერთვება – მერიამ ₾7.5-მილიონიანი კონტრაქტი გააფორმა – ამის შესახებ ინფორმაციას BMG თბილისის მერიის სატენდერო კომისიის სხდომის ოქმზე დაყრდნობით ავრცელებს.
მისივე ინფორმაციით, კომპანიები ჭოველიძის ქუჩიდან მეტრო რუსთაველამდე ტროტუარების რეაბილიტაციას მოახდენენ, რისთვისაც მერიამ ტენდერები 14 აგვისტოს გამოაცხადა. პირველ ტენდერში 3,650,000 ლარით გაიმარჯვა კომპანია AWARD-მა, ხოლო მეორეში 3,854,000 ლარით ნიუკონსმა. გამოცემა წერს, რომ ორივე ტენდერის სავარაუდო ღირებულება შეადგენდა 7.8 მილიონ ლარს, ხოლო გამარჯვებულების მიერ დაფიქსირებული საერთო ფასი 7.5 მილიონ ლარს შეადგენს.