როგორც ცნობილია, რუსი მომღერალი, იუმორისტი და ტელესახე მაქსიმ გალკინი უკრაინელი ლტოლვილების დასახმარებლად დაგეგმილი საგასტროლო ტურნეს ფარგლებში თბილისის სცენაზეც გამოვა.
biletebi.ge-ზე განთავსებული ინფორმაციის თანახმად, ბილეთების გაყიდვა ორშაბათს, 25 ივლისს 13:00 საათზე დაიწყება. კონცერტი კი 15 ოქტომბერს, თბილისის სპორტის სასახლეში გაიმართება.
შეგახსენებთ, ვარსკვლავურმა წყვილმა, ალა პუგაჩოვამ და მაქსიმ გალკინმა რუსეთი მას შემდეგ დატოვეს, რაც პუტინის არმიამ უკრაინაში სრულმასშტაბიანი ომი დაიწყო. გალკინი ოფიციალური განცხადებითაც გაემიჯნა რუსულ აგრესიას.