20 ივლისს, იტალიაში, კუნძულ კაპრიზე მდებარე ევროპის ერთ-ერთ ყველაზე მდიდრულ სასტუმტო Capri Palace Jumeirah-ზე გრანდიოზული კონცერტი გაიმართა. ზაფხულის ერთ-ერთ ყველაზე გახმაურებულ ღონისძიებაზე, იტალიელ ტენორ ანდრია ბოჩელისთან ერთად, სცენაზე რუსეთში მცხოვრები ქართველი მომღერალი ქეთა თოფურიაც იდგა. ის კონცერტზე “ა სტუდიოსთან” ერთად გამოვიდა.
საღამოს ახლდა გალა ვახშამი, რომელზე მოხვედრაც ერთ ადამიანზე 2000-2500 ევრომდე ღირდა. როგორც ფოტოებიდან ჩანს, სტუმრებს შორის იყო ცნობილი თურქი მილიარდერი, ფერით შაჰენქის ცნობილი სარესტორნო ქსელის მეპატრონე, რომელიც Salt Bae-ის სახელითაა ცნობილი.
ქეთა თოფურია იტალიაში საქართველოდან გაფრინდა, სადაც ორი კვირა მეუღლესთან, დედასთან და შვილებთან ერთად ისვენებდა. მომღერალმა წლებია, რაც წყნეთში აგარაკი აიშენა, სადაც ზაფხულობით ოჯახთან ერთად ჩამოდის.
ცნობილია, რომ უკრაინაში რუსეთის შეჭრის შემდეგ, რუსი მომღერლები კონცერტების გამართვას მხოლოდ ბელარუსსა და დუბაიში ახერხებდნენ, რადგან პუტინის მხარდაჭერის გამო მათ სხვა ქვეყნების დიდ სცენაზე გამოსასვლელად აღარავინ იწვევს. ასევე აღსანიშნავია ისიც, რომ თურქეთში არაერთ სასტუმროში ჩაიშალა ზაფხულში დაგეგმილი რუსი შემსრულებლების კონცერტები.
წყარო: Ambebi.ge