საქართველოს პარლამენტის დელეგაცია, ლევან მაჭავარიანის ხელმძღვანელობით, სამუშაო ვიზიტით უზბეკეთის რესპუბლიკას ეწვია. დელეგაციამ ტაშკენტში უზბეკეთის რესპუბლიკის მიერ ორგანიზებულ საერთაშორისო კონფერენციაში მიიღო მონაწილეობა, სადაც ლევან მაჭავარიანი სიტყვით გამოვიდა.
მოხსენება შეეხებოდა რუსეთის მიერ საქართველოს ტერიტორიების ოკუპაციას, თანამედროვე მსოფლიოში პარლამენტის როლსა და მნიშვნელობას, ასევე ქვეყნებს შორის საპარლამენტო ურთიერთობების გაღრმავებასა და საპარლამენტო დიპლომატიის მნიშვნელობას.